ბილიარდის ეროვნული ფედერაციის გარდამავალი თასის გათამაშების პარალელურად ქ.თბილისში, საბილიარდე კლუბში "ბალტიმორი", მიმდინარეობდა საქართველოს ჩემპიონატი პულში (8-იანი) იუნიორთა შორის (U18).

აღსანიშნავია, რომ ეს იყო პირველი ახალგაზრდული ჩემპიონატი ეროვნული ფედერაციის არსებობის ისტორიაში.

აჭარის ბილიარდის ფედერაციას ჩემპიონატზე წარმოადგენდნენ ალექსანდრე სოლომონიძე (13 წლის) და ლევან კიკალიშვილი (14 წლის), რომლებმაც წარმატებით იასპარეზეს და დაიკავეს შესაბამისად მეორე და მესამე ადგილები.