აჭარის ავტონომიური რესპუბლიკის ბილიარდის ფედერაცია შეიქმნა 1996 წლის 26 ივლისს. ფედერაციის შექმნის მიზანი იყო საბილიარდე სპორტის სახეობების განვითარება- პოპულარიზაცია ავტონომიურ რესბუბლიკაში, ნაკრები გუნდების მომზადება როგორც რესპუბლიკურ, ისე საერთაშორისო ტურნირებში მონაწილეობის მისაღებად.

დაფუძნებიდან ორი ათწლეულის განმავლობაში ფედერაციის საქმიანობა, ძირითადად, შედგებოდა ადგილობრივ და ეროვნულ ჩემპიონატებში სპორტსმენების მონაწილეობით, ქ.ბათუმში რესპუბლიკური და საერთაშორისო მასშტაბის ტურნირების ორგანიზებით.

2012 წლიდან, ფედერაციის ხელახალი დაფუძნების შემდეგ, საქმიანობა უფრო აქტიური გახდა. აჭარის ნაკრები გუნდის წევრები წარმოდგენილნი იყვნენ ევროპისა და მსოფლიოს თითქმის ყველა ჩემპიონატზე, საერთაშორისო ტურნირებზე. უფრო მეტიც, ფედერაციამ ორჯერ (2014 და 2024 წ.წ.) ორგანიზება გაუკეთა ევროპის ჩემპიონატების ჩატარებას თავისუფალ პირამიდაში, 2013-2022 წლებში ჩატარდა ექვსი საერთაშორისო ტურნირი "Ajara Open", 2019 წელს კი საერთაშორისო ტურნირი "Friendship Cup", რომელშიც 17 ქვეყნის უძლიერესი მობილიარდეები მონაწილეობდნენ.

2023 წლიდან დავიწყეთ პულში საერთაშორისო ტურნირის "Ajara Cup" ჩატარება EEBC-ის ეგიდით. 2025 წლიდან აღნიშნულმა ტურნირმა მოიპოვა კატეგორია "Best of East".